የኢ.ፌ.ዴ.ሪ ፕሬዝዳንት

በሀገራችን በአይነቱ ልዩ የሆነውና በዓመት በአማካኝ አምስት ሚሊዮን የተሽከርካሪ ምልልሶችን የሚያስተናግደው የአዲስ-አዳማ የፍጥነት መንገድ አገልግሎት መስጠት ከጀመረባቸው ካለፉት 3 ዓመታት ጀምሮ በመንገዱ ግራና ቀኝ ዳርቻዎች የሚካሄደው የችግኝ ተከላ እንቅስቃሴ መንገዱን ከሚጠቀሙት ተሽከርካሪዎች ብዛት አኳያ የሚመነጨውን የካርቦን ልቀትን ለመቆጣጠር የሚያግዝ በመሆኑ ትልቅ ዋጋ የሚሰጠው በጎ ተግባር ነው፡፡

የኢትዮጵያ የክፍያ መንገዶች ኢንተርፕራይዝ ዋና ስራ አስኪያጅ (2008 – 2009 ዓም)

ሀገራችን በኢኮኖሚ እድገቷና በፀጥታዋ ተቻችሎ በመኖር እንዲሁም በብዙ ነገሮች ለሌሎች ሀገሮች ምሳሌ እየሆነች መጥታለች ፡፡ ሀገራችን አነስተኛ ተሽከርካሪ ካላቸው ሀገራት የምትመደብ ሆና ሳለ የሚደርሰው የትራፊክ አደጋ ግን ከፍተኛ ነው ፡፡ አሽከርካሪዎች በሚፈጥሩት ስህተት የራሳቸውንም ሆነ የሌሎችን ህይወት መቅጠፍ እንደሌለባቸው ተገንዝበው በየጊዜው የሚተላለፉ መልዕክቶችን ወደ ተግባር በመቀየር በፍጥነት መንገዱ ላይ ምንም አይነት አደጋ እንዳይደረስ አጋር እንዲሆኑና እንዲተባበሩ መልዕክቴን አስተላልፋለሁ ፡፡

የቀድሞ የኦሮሚያ ክልል ፕሬዝዳንት

የአዲስ-አዳማ የፍጥነት መንገድ በስኬታማ ጎዳና እየተጓዘ ያለውን የመንገድ መሰረተ ልማት ወደ አዲስና ከፍተኛ ደረጃ መሸጋገሩን ያበሰረ ታላቅ የልማት ፍሬ ነው፡፡ በመንገድ ግንባታውም አገራዊው አቅም ይበልጥ እያደገ መምጣቱን በግልፅ ያመላከተና በህዳሴው መስመር ህዝብና መንግስት በትብብርና ቅንጅት ከሰሩ ባደጉት አገራት የሚታዩ ድንቅ የእድገትና ሥልጣኔ ፍሬዎች በአጭር ጊዜ ውስጥ በኢትዮጵያ ምድር እውን ማድረግ እንደሚቻል ያሳየ የልማት ውጤት ነው፡፡

መስከረም 7 በ2003 ዓ.ም

የአዲስ አዳማ ፈጣን መንገድ በዋናነት አዲስ የመንገድ ግንባታ ምዕራፍ የከፈተና እስካሁን ድረስ ከነበሩት መንገዶች ለየት ያለ አለም አቀፍ ደረጃውን የጠበቀ ነው፡፡

ምቹና ዘመናዊ መንገዶች ከመውሰድና ማምጣት ባሻገር በአጭር ጊዜ በዝቅተኛ ወጪ ሕዝቦችን በማቀራረብ ገበያዎችን በማስተሳሰር ኢኮኖሚያዊ እድገትና ዘላቂ ልማትን ከማፋጠን ባሻገር የሀገርን መልካም ገፅታንም በመገንባት ረገድ ከፍተኛ ሚና ይጫወታሉ፡፡ በሁለተኛው የእድገትና ትራንስፎርሜሽን ዕቅድ ዘመን የሀገራችንን የመንገድ አውታር በዕጥፍ ለማሳደግ በመንግስት ትልቅ ግብ ተጥሎ እየተሰራ ሲሆን ሀገራችንም በመንገድ ግንባታ ሂደት ወደ አዲስ ምዕራፍ የምትሸጋገርበት ምቹ ሁኔታ ተፈጥሯል፡፡