ኢክመኢ[ETRE ጥቅምት 11/2019 ዓ/ም]
የኢትዮጵያ የክፍያ መንገዶች ኢንተርፕራይዝ የ2019 በጀት ዓመት የመጀመሪያውን ሩብ ዓመት የሥራ አፈጻጸም ግምገማ አካሄደ። በግምገማ መድረኩ ባለፉት ሦስት ወራት የተከናወኑ ዋና ዋና ተግባራት፣ የተመዘገቡ ስኬቶች እና የታዩ ክፍተቶች በሰፊው ተመልክተዋል።
በመድረኩ የተለያዩ የሥራ ክፍሎች እና የቅርንጫፍ መሥሪያ ቤቶች የሩብ ዓመቱን ዕቅድ አፈጻጸም አቅርበው የተገመገሙ ሲሆን፤ ለቀጣይ ሥራዎች ዋና ትኩረት ሊሰጣቸው የሚገቡ ጉዳዮች ተለይተዋል፡-
-የክፍያ መንገዶችን ጥራትና ደህንነት ማረጋገጥ
-ለጉዞ አድራጊዎችና ለመንገድ ተጠቃሚዎች የላቀና ፈጣን አገልግሎት መስጠት
-የተቋሙን ገቢ ማሳደግ
-የሕዝብ ሀብት በአግባቡና በቁጠባ ጥቅም ላይ መዋሉን ማረጋገጥ
በአጠቃላይ ግምገማው የተቋሙን አገልግሎት ጥራት፣ ውጤታማነት እና አጠቃላይ አቅም ይበልጥ ለማሳደግ ጠንካራ መሠረት የሚጥል ሆኖ ተጠናቋል።
በግምገማው ላይ አቅጣጫ ያስቀመጡት የኢንተርፕራይዙ ዋና ሥራ አስፈጻሚ አቶ ሙስጠፋ አባሲመል፤ የተቋሙን ዕቅዶች በብቃት በመፈጸም፣ የተመዘገቡ መልካም ውጤቶችን በማስቀጠል እና ክፍተቶችን በወቅቱ በማረም የተሻለ ተቋማዊ አፈጻጸም ማስመዝገብ እንደሚገባ አጽንኦት ሰጥተዋል።
የኢትዮጵያ የክፍያ መንገዶች ኢንተርፕራይዝ
“ደኅንነትዎ የክብር ስማችን ነው!!”